professor_kewell on Xanga

Weblog

Tuesday, 10 November 2009

SPORTS DAY!

今朝約肥舞..最後遲到..sorry..好彩趕得切最後一刻番到運動場!!

今日真係好過癮...!!

一開波...就有「本生燈聖火」...百翹等人有份做火炬手...阿峰...LEDGER同埋C坤就做護航人員!!

比賽正式開始!!...肥培響我地見證下...大喝一聲之後...奪得擲鐵餅既金牌!!

但今日講牌數...真係唔夠雞成多..佢帶左私伙野...十六塊牌!!

之後...就輪到千五米HEA跑大軍!!

成員:我..肥舞..師父..大頭...ONG翹...隆仔...準基...ANDREW...香弟

我地既HEA跑...其實唔係阻住大家既時間...而係將個比賽變得有觀賞性!!

我地好似候鳥咁...係有隊型架!!而且唔會阻住同場既豆腐同雞成認真跑!!

而當我地臨衝線...就玩「山寨版」火炬!!

我渣住枝水樽...俾大家圍住...臨到衝線既時候...響佢地既護航下...一齊唱校歌衝線!!好熱血呀!!!

跟住就食飯啦~睇番D相..我同肥舞個樣真係好搞笑囉!!

到左下晝...真係熱到呢...

我周圍行下吹下風...支持下咁多位屈機既同學仔啦!

之後當然輪到今日既矚目之戰---班際4X100M同埋4X400M啦!!

講講我地班既陣容先:

4X100M :第一棒:爛GAG王C坤...唔好以為佢KAI下KAI下...但其實佢係熟男一個...仲跑得好快添!
                 第二棒:跑步之神阿峰...屈機已經唔駛講...我地要贏..又點少得佢呢?
                 第三棒:流感...佢真係意義重大架...負責帶起氣氛!!佢跑果時...我地真係嗌得特別大聲架!
                 第四棒:衝線既梗係LEDGER啦...我地要求既係視覺效果!

4X400M:第一棒:ONG翹...又有型又靚仔...我地梗係要一個咁既STARTER啦!
                第二棒:文傑...唔好以為佢讀書咁叻就唔識做運動...大家仲記得佢上年令人喝采既演出嗎?
                第三棒:香弟...哇...呢個真係唔講得笑...足球大將D體能一定有番咁上下啦!
                第四棒:淫隆...都係啦...追求視覺效果...梗要有番個型佬衝線既!!

4X100M...我地成班5A人都落黎打氣...包括MISS LOK同埋MISS TAM!!

而當我幫MISS LOK同MISS TAM同咁多位健兒影相既時候...就好搞笑啦!!因為MISS LOK叫我幫佢「看」住個袋...果個袋九萬皮野...我點夠膽擺落地呀!?惟有死死氣「慣」一鋪啦!「咩」起個袋!

比賽結果..唔駛多講...!壓倒性!無懸念!輕鬆勝出!!!好勁呀真係...紀錄都破埋啦!!問你死未!?

4X400M...僅輸少少咋...惟有怪師父太勁啦!!但大家表現都好好呀!!

我地真係氣氛贏曬!!!大家都好落力打氣!!好團結!

特別係MISS LOK...嗌得歇斯底里(直頭我地都唔知佢嗌緊乜)...而且相當高頻...仲搞到隻錶都甩埋..真誇張!!

之後睇埋F.6&7既比賽...

當大佬跑既時候...全場都讚好!拍掌!歡呼!氣氛真係好好呀...我諗大佬一定好開心姐!

7A真係好強啊!

今日幾開心呀...起碼唔悶啦!

之後去睇B GRADE籃球學界...聖言唔好氣餒呀!

番到屋企..好累呀!

Monday, 09 November 2009

今日由高潮墮落到低谷...大家想知咩事..詳見肥舞響FB打既野..XDD

講真...真係幾失望...不過大家又唔好以為我要生要死...XDD

我有時都真係幾毒架...哈哈!!

毒之餘...真係覺得肥舞同西人好夠老友囉...你地好意心領啦...遲d細佬再還!

Sunday, 08 November 2009

又皮膚敏感....秋天

冇特別呀...我淨係知probability真係難到爆炸....!!

哈哈...有冇得DROP MATH?

Saturday, 07 November 2009

今朝睇波...遲到十分鍾...sorry...!!

一黎到...見到師父流鼻血...果然上PA堂上得多...!

好彩師父唔係一流就流半個鍾果D(我唔係講緊你呀大頭!)...好快重回戰陣!

值得一提既係...今場因為羅倫停賽...陣容都有所變動...右閘由西鵬出任...左路防守就由達人龍J擔崗!!而馬仔就因為腳傷...今場倦勤...左路側擊由香弟負責...師父改打前場...肥燊打中場中!!

聖言一如既往...積極進取...掌握控球權!!

比賽有極多亮點...阿輝多次以個人技術挑戰甚至戲弄對方..個人招數層出不窮...真係令人神馳目眩!!

當完半場前約三分鍾...阿輝再次發難...過數人後傳俾師父...面對對方後防大空...師父再妙傳走位至左路既阿輝...阿輝以速度及技術推多兩步入禁區...冷靜燙入死角...對方後衛甚至未能掂到波皮...精彩絕倫...全場都歡呼!!!

聖言以領先1:0既情況下完半場!

但下半場甫開波...由於已方後防出現輕微失誤...卻鑄成大錯!!被對方一次簡單攻勢破網...追成1:1..!

由於聖言呢場極之希望贏波...一追和就會增加輸波既風險..所以作為觀眾既我...心為之一沉!!

但係訓練有素聖言足球隊又點會咁易洩氣呢?好快安定過來...再造波!!

一次機會黎啦...角球，由阿輝開出，傳俾師父...師父瞄一瞄...個波傳到娥眉月，到全場不停走動及破壞對方攻勢既肥燊腳下。

肥燊並冇控定，反而轉身左腳勁射，皮球如炮彈般直飛死角破網!!2:1!!

呢球世界波之中既世界波...全場「嘩!!!!」肥燊都振臂狂吼!!總算吐氣揚眉!!

我即時諗起:「神奇，頂級，超卓」!!

呢球令到軍心大振...聖言士氣更盛!!

但呢場波...唔知係咪大坑東最後一場...真係極之緊湊!!!

對方球員...突然之間一記神來之筆...離門約23碼一記半笠半射...!

由於呢球真係精彩...聖言龍門張啟浩就算雲達沙上身都真係無力回天...聖言被追和至2 : 2!!

我果時心諗:「慘啦慘啦..就完場啦...如果臨完場俾人入多粒...咪冇得追??」

但係聖言既鬥志真係頑強同令人難以置信!!

今場mvp肥燊...過人後分波俾右路無人看管既豆腐...豆腐輕鬆彈入...對方龍門同後衛睇住個波入網都冇用啦!!

師父尾段抽筋...由阿堅換出...

3:2既戰果...就係咁樣誕生...!!其後豆腐亦有一黃金機會...雖未能把握...但聖言都能笑到最後!!好波!!

聖言以3勝1負..9分既成績入八強...加油呀!!!!!!!!!

最後李SIR好大方...請食野!!

食完野番番學校...阿宏...阿強..華哥..Marco佢地都響度...我原本諗住溫書既...但番到黎就hea左兩粒幾鍾...!!

最後溫左陣書...師父睇黎真係好累...頂唔順訓左...

食下野又打下波...溫到6點幾同肥培同津哥走人!!

唔可以再hea啦!!